SENSIBILIZACIÓN E EDUCACIÓN EN VALORES.
Os programas de sensibilización de Equus Zebra entróncanse na labor de integración dos inmigrantes da asociación. Buscan transmitir a realidade do fenómeno da inmigración á poboación de A Coruña, fomentando valores de respecto, solidariedade e tolerancia cara aos inmigrantes.
O punto de partida da sensibilización son os mozos e mozas da nosa sociedade, por iso os programas impártense nos colexios e institutos da cidade. O que se pretende é contribuír a previr a aparición de conflitos nos centros educativos pola continua escolarización de alumnado inmigrante que tivo lugar nos últimos anos. Ademais, queremos dar a coñecer aos nenos e novos a realidade do fenómeno da inmigración e promover o enriquecemento cultural que nos achegan os inmigrantes.
Proxectos
En cada un dos centros lévanse a cabo múltiples actividades como:
· Cancións de berce. Son un referente para os máis pequenos. A través da posta en común das nanas de cada país, inténtase establecer semellanzas e diferenzas coa nosa cultura.
· Contacontos. Introducimos aos nenos na fantasía dos contos, adaptados á súa idade, sobre a cultura doutros países.
· Xogos populares. Achégase aos alumnos aos xogos tradicionais de cada pais, antepoñendo o xogo ao triunfo para facilitar a integración.
· Charlas e videoforum sobre inmigración. Serven para informar ao alumnado sobre diferentes aspectos relacionados coa inmigración como: por que chegan, como chegan, os seus problemas ao chegar...
· Día Solidario. Un grupo de inmigrantes da ONGD Equus Zebra comparte co alumnado de cada centro unha experiencia multicultural coa realización de diferentes talleres e actividades que servirán para afianzar os valores de solidariedade, tolerancia e respecto.
