PERMISO DE RESIDENCIA E TRABALLO.
En cantas situacións pode estar un estranxeiro en España?
Os estranxeiros poden atoparse en España en diferentes tipos de situacións. Poden estar en situación de estancia e de residencia temporal ou permanente. Separadamente diferéncianse uns réximes especiais.
a) Situación de estancia: é a permanencia en territorio español por un período de tempo non superior a noventa días. Visas e visados.
b) Situación de residencia: son residentes os estranxeiros que se atopen en España e sexan titulares dunha autorización para residir. Pode ser:
Temporal, é a situación que autoriza a permanecer en España por un período superior a 90 días e inferior a cinco anos.
Permanente, é a situación que autoriza a residir en España indefinidamente e traballar en igualdade de condicións que os españois. Terán dereito a residencia permanente os que teñan residencia temporal durante cinco anos de forma continuada.
c) Estudantes:Visas Estudantes. É estudante, o estranxeiro cuxa vinda a España teña como fin o cursar ou ampliar estudos ou realizar traballos de investigación ou formación, non remunerados.
d) Apátridas: O Ministro do Interior recoñecerá a condición de apátrida aos estranxeiros que manifestando que carecen de nacionalidade reúnen os requisitos previstos na Convención sobre o Estatuto de Apátridas e expediralles a documentación prevista ao efecto.
e) Indocumentados: O estranxeiro que se presente en dependencias do Ministerio do Interior acreditando que non pode ser documentado polas autoridades de ningún país.
f) Refuxiados: A resolución favorable sobre a petición de asilo en España suporá o recoñecemento da condición de refuxiado.
g) Concorrencia de circunstancias especiais: A Administración poderá conceder unha autorización de residencia temporal por situación de arraigamento, así como por razóns humanitarias, de colaboración coa Xustiza ou outras circunstancias excepcionais que se determinen polo Goberno.
Tipos de Permisos
- Permisos por Conta Allea
1. A autorización inicial de residencia temporal e traballo por conta allea habilitará aos estranxeiros que residen fóra de España e que obteñan o correspondente visado a iniciar unha relación laboral por conta allea.
2. A autorización inicial de residencia e traballo por conta allea terá unha duración dun ano e poderá limitarse a un ámbito xeográfico e sector de actividade determinado conforme ás instrucións ou directrices determinadas pola Secretaría de Estado de Inmigración e Emigración.
3. Nos supostos previstos neste regulamento, os estranxeiros residentes ou os que se achan en situación de estancia por estudos poderán acceder á correspondente autorización de residencia temporal e traballo por conta allea, sen que sexa exixible o visado. No caso dos que sexan residentes, a duración da autorización estará en función do tempo que residan previamente en España.
O acceso á autorización de residencia e traballo de quen sexan titulares dun visado de procura de emprego rexerase polas disposicións específicas deste regulamento e polo acordo sobre continxente.
4. Os estranxeiros que obteñan unha autorización deberán solicitar o cartón de identidade de estranxeiro correspondente no prazo dun mes desde o comezo da autorización.
- Permisos por conta propia
1. Permiso de traballo "D" inicial. Permite exercer unha actividade por conta propia, ou profesional. Pode limitarse para un tipo de actividade concreta así como para un ámbito xeográfico tamén concreto. Ten unha validez dun ano.
2. Permiso de traballo "D" renovado. Para exercer unha actividade en todo o territorio nacional durante un período de dous anos. Poden obter este permiso os titulares dun permiso tipo D inicial ao termo da súa vixencia.
3. Permiso de traballo "E". Para exercer calquera actividade en todo o territorio do estado. Ten unha validez de dous anos. Poderán obter este permiso os titulares dun permiso do tipo D renovado ao termo da súa vixencia.
- Permisos especiais
1.Residencia temporal e traballo por conta allea de duración determinada
2. Residencia temporal e trabjo no marco de prestacións transnacionales de servizos.
3. Residencia Permanente.
